Əziz Hədəf Qrup çalışanları, valideynləri, şagirdləri! Bildiyiniz kimi Qardaş Türkiyədə baş verən böyük faciədə evlərini, yaxınlarını itirən insanlarımız var. Bu fəlakət bizi də sarsıdır, kədər gətirir. Hədəf Şirkətlər Qurupu olaraq Türkiyə Cümhuriyyətinə, millətinə başsağlığı veririr, acınız acımızdır, deyirik.
Türkiyə Azərbaycan qardaşlığı əbədidir, sarsılmazdır. Biz də Azərbaycanın bir parçası olaraq öz yardımımızı, vəfa borcumuzu ifadə etmək məqsədi ilə, Hədəf Şirkətlər Qrupu olaraq, Konseptimizdə olan Dəyərlər həftəsinin Yardımsevərlik həftəsini 6-13 fevral tarixlərinə elan edir, insanlıq, qardaşlıq borcumuz olaraq maddi yardım kompaniyasına başlayırıq. Hədəf Şirkətlər Qrupu rəsmi büdcəsindən 15000 manat vəsait ayırmaqla yanaşı, şirkətimizin çalışanlarını, vaildeynlərini, şagirdlərini öz imkanları daxilində bu müddət ərzində filiallarımızada ayrılan ‘’Vəfa Borcumuz’’ adlı qutulara təqdim etməklərini arzulayırıq. Ümid edirik, hər birimiz aktiv iştirak edəcək, dəstəyimizi əsrigəməyəcəyik. Bunun üçün bütün filial müdirlərimiz, öz filiallarında lazımı tapşırıqları versin, uyğun şəraiti qursun. 14 fevral tarixinndə AFAD-a (AFET ve acil durum başqanlığının rəsmi bank hesabına) ödəyəcəyik.
Sizlərə insanlığa, qardaşlığa göstərdiyiniz dəstəyə görə öncədən təşəkkürümüzü bildirirəm.
Biz birlikdə güclüyük, birliyimiz gücümüzdür!
Gün birlik günüdür!
Hörmətlə,
Hədəf Şirkətlər Qrupunun Qurucu direktoru Şəmil Sadiq!
Türk qardaşlarımıza Vəfa borcumuz – YouTube
