Şəmil Sadıqov: Təhsildə İnnovasiya və Rəqəmsal Transformasiya

XII Təhsil Texnologiyaları Zirvəsində Hədəf Şirkətlər Qrupunun baş direktoru Dos. Şəmil Sadıqov “Təhsildə İntegrasiya” mövzusunda çıxış etdi. Türkiyənin İstanbul şəhərində təşkil olunan zirvə təhsil sahəsindəki ən son texnoloji yenilikləri müzakirə etmək üçün sahə üzrə mütəxəssisləri bir araya gətirdi.

Hədəf Şirkətlər Qrupunun təhsil sahəsindəki innovativ yanaşmalarını təqdim edən Sadıqov, texnologiyanın təhsildəki potensialı, həmçinin rəqəmsal dönüşümün təhsil sisteminə gətirdiyi yeniliklər barədə danışdı. Şəmil Sadıqovun təhsildə inteqrasiya və rəqəmsal transformasiya barədəki fikirləri, tədbir iştirakçılarına geniş perspektivlər təqdim etdi.

Bundan əlavə, zirvə çərçivəsində yerli və xarici stendlərin nümayiş olunduğu sərgi də təşkil olundu. Sərgidə müxtəlif ölkələrdən gələn iştirakçılar təhsil texnologiyaları sahəsindəki son yenilikləri təqdim edərək, yeni əməkdaşlıq imkanlarını müzakirə etdilər.