“Azərbaycan Nəşriyyatları Assosiasiyası”nın İdarə Heyətinin sədri, Hədəf Şirkətlər Qrupunun baş direktoru f.ü.f.d., dosent Şəmil Sadiq Meksikanın Azərbaycandakı səfiri Viktoriya Romero ilə görüşmüşdür. Xanım səfirə dəvət üçün təşəkkürünü bildirən Şəmil Sadiq Azərbaycan-Meksika əlaqələrinin mədəniyyət və təhsil sahəsində necə inkişaf etdirilə biləcəyi, bu istiqamətdə hansı adımların atıla biləcəyi haqqında məlumatlar vermiş, bu mövzular ətrafında təkliflərini qeyd etmişdir. Şəmil Sadiq ona xüsusi hədiyyəsi olan Azərbaycan xəritəsini, Meksikalı yazar Gene de Matlokun “Hədəf Nəşrləri”ndə çap edilən “Ey dünya insanları, hamınız türküsünüz” araşdırma kitabını, müəllifi olduğu “Azərbaycan dilini öyrənirəm” və Meksika həyatından bəhs edilən “Yuxu maşını” romanını bağışlamışdır. Şəmil Sadiq Azərbaycan yazarlarının əsərlərinin Meksikada, Meksika yazarlarının əsərlərinin Azərbaycan çap edilməsi və Meksikadakı bir məktəblə Hədəf Liseyinin qardaşlaşmış məktəb olması ilə bağlı təklif vermiş, bu münasibətlə Azərbaycan və Meksika xalqlarının bir-birini yaxından tanımasının var olan əlaqələrin inkişafına yaxşı təsir göstərəcəyini vurğulamışdır.
Səfir dəvəti qəbul etdiyi üçün qonağa təşəkkürünü bildirmiş, bu əlaqələrin inkişafında həm azərbaycandakı Meksika səfirliyi, həm də meksikadakı Azərbaycan səfirliyinin maraqlı olduğunu qeyd edərək hər kitabın Meksika səfirliyində təqdimatını keçirilməsi təklifini etmişdir.
Sonda xatirə şəkli çəkilmişdir.
