Xəbərlər

Hədəf Liseyi Stars Campus açıldı

Hədəf Şirkətlər Qrupuna daxil olan Hədəf Liseyi 2025 – 2026-cı tədris ili üçün yeni və fərqli formatda “Stars Campus”unu təqdim edir.

Burada təhsil “bilingual” yanaşma ilə (Azərbaycan-ingilis, rus-ingilis) ingilis dilli tədris isə IB (International Baccalaureate – beynəlxalq bakalavriat) əsaslıdır. Təhsildə “bilingual” yanaşma (ikidilli yanaşma) tədrisin iki dildə: əsas tədris dili və xarici dildə aparılması metodudur. Bu yanaşmanın məqsədi həm mövzu üzrə biliklərin, həm də dil bacarıqlarının paralel şəkildə inkişaf etdirilməsidir. “Bilingual” yanaşmanın məqsədi şagirdlərə çoxdilli dünyada uğurlu olmaq üçün zəmin yaratmaq, ikinci dildə sərbəst danışmaq, yazmaq, oxumaq və anlamaq bacarıqlarını inkişaf etdirmək, mədəniyyətlərarası anlayış, tolerantlıq formalaşdırmaqdır. Burada məqsəd həm də bölmə anlayışına “yox” deməkdir. Şagird hansısa bölmədə yox, ikidilli təhsilin köməyi ilə həm Azərbaycan və rus dilinə, həm də beynəlxalq ingilis dilinə hakim olacaq.

Hədəf Liseyi “Stars Campus”unda məktəbəqədər və “bilingual” yanaşma ilə (Azərbaycan, rus, ingilis) 1 – 8-ci sinif şagirdləri təhsil ala bilərlər.

İngilisdilli təhsil IB əsaslı olacaq və ilkin mərhələdə 3 – 12 yaşlı şagirdləri əhatə edəcək. Bu proqram şagirdlərin akademik, sosial və emosional baxımdan balanslı inkişafını hədəfləyir. Dünyanın bir çox ölkəsində universitetlər tərəfindən yüksək səviyyədə tanınır və qəbul olunur.

Hədəf Liseyi Stars Campusunun əsas üstünlükləri rəhbər və komanda heyətinin 20 ildən artıq tədris təcrübəsinə malik olması, innovativ yanaşma, təhsilanlara fərdi münasibət, onlayn idarəetmə sistemi, təhsilalanların davamlı analitik və akademik müşahidəsidir. Buradakı siniflərdə maksimum 16 şagird qruplaşdırılır, valideynlərə günlük, həftəlik, aylıq məlumatlar LMS və SMLS sistemləri vasitəsi ilə göndərilir. Hədəf  Liseyi “Stars Campus”u “Hədəf konsepti” əsasında idarə olunur.

Hədəf Liseyi “Stars Campus”u bir çox xidmətlər təklif edir. Burada təhsil milli və beynəlxalq kurikulumlara əsaslanır, üstəlik, şagirdlər iki dildə təhsil alırlar.

Xatırladaq ki, Hədəf Liseyi Azərbaycanın ilk və hələ ki yeganə STEAM əsaslı məktəbidir. Hədəf Liseyi STEAM akreditasiyasına sahibdir. STEAM əsaslı yanaşma “Stars Campus”unda da davam etdirilir. Yüksək texnologiyalarla təchiz olunmuş STEAM, Texnologiya, İnformatika kabinetləri bu yanaşmanı həyata keçirmək üçün şərait yaradır.

Əlavə olaraq aşağıdakı xidmətlər də təmin edilir:

– Məktəbli geyimləri – tam dəst olaraq bütün məktəblilər yay-qış geyimləri ilə təmin olunurlar.

– Qidalanma – məktəbəqədər siniflərdə oxuyanlar gündə 5 dəfə, 1-8-ci siniflərdə oxuyanlar isə gündə 3 dəfə qidalanırlar.

– Dərsliklər – bütün dərsliklər, əlavə çalışma kitabları və tapşırıq topluları məktəb tərəfindən verilir.

Bundan əlavə, ödənişsiz dərnəklər, klublar fəaliyyət göstərir.

Həmçinin sınaq imtahanları, monitorinqlər, psixoloji dəstək, konsultasiyalar, görüşlər, olimpiadalarda, yarışlarda iştirak və s. lisey tərəfindən təşkil olunur.

Hədəf Stars Campusunda tam təmirli və təchizatlı sinif otaqları ilə yanaşı STEAM otağı, aerokosmik dərs otağı, robot müəllim sinfi, informatika, kimya, biologiya, fizika kabinetləri, Dədə Qorqud çadırı, geniş futbol stadionu, üzgüçülük hovuzu, uşaqlar üçün əyləncə parkı və s. var.

Hədəf Liseyi “Stars Campus”u, STEAM akreditasiya, Cambridge Assessment International Education (CIE), International Baccalaureate, College Board, Nesibe Aydın Okulları, Harper Collins Publishers, European Schoolnet, Fisherteknik, Serçe akademi, Eschool, ELTA, Naturagiyim, Skool21 kimi qabaqcıl və qlobal şirkətlərlə əməkdaşlıq edir.

Qeyd edək ki, Hədəf Liseyi “Stars Campus”unun açılışına özəl olaraq 1 iyun tarixinə qədər qeydiyyatdan keçənlərə 20 % güzəşt tətbiq ediləcək.

Əlaqə: +994 12 311 15 20

Ünvan: Bakıxanov qəs., Bəşir Bünyadov küç., 3 ( “Koroğlu” m/s yaxınlığı)

9, 10, 11 may günləri… Üç gün üç gecə Ümummilli lider Heydər Əliyevin anadan olmasının 102 illliyinə həsr edilən II Naxçıvan Kitab Sərgisində olduq. 23 nəşriyyat, 30-dan çox yazıçı, şair, naşir…
Məncə, hərə özünü, öz xislətini, xarakterini yaxşı bilir. Hətta bir addım atanda da içindəki “mən” onu nəyin gözlədiyini pıçıldayır. Bunu duymaq çətin deyil. Mən də qonaqları Naxçıvana dəvət edəndə bizi nəyin gözlədiyini yaxşı bilir və heç tərəddüd etmədən gəlmələrini istəyirdim. Artıq ikinci dəfə idi…
Həm torpağımızın, həm havamızın, həm suyumuzun, həm duzumuzun, həm də bunlardan yoğurulan camaatımızın qonaqları necə qarşılayacağını öncədən bilirdim. Bura tanıdığım və tanımadığım bütün camaatımız daxildir.
Hər şey elə başdan yaxşı getdi. İlk dəfə idi, dövlət qurumu ANAİB-i kitab sərgisinə dəvət edirdi. İndiyəqədərki 21 sərgidə biz təşəbbüs göstərmiş, məktub yazmış, şəxsi əlaqələrimizdən istifadə etmişdik. Bu dəfə isə Naxçıvan şəhər İcra Hakimiyyəti dəvət etdi. Əsas təşkilati işləri də öz üzərinə götürdü. Əslində, elə belə də olmalıdır, amma biz o qədər az görürük ki, təəccüblənməmək əldə deyil. Prosesə icra başçısının müavini səviyyəsində nəzarət edilirdi.
Bəli, sərgi başladı, rəsmilər gəldilər, stendləri bir-bir gəzib kitablarla tanış oldular. Buna qədər isə Naxçıvanın özünəməxsus idarəetməsi ilə üz-üzə qaldıq. Kəskin və kontinental… Stendlərin pərdəsinin necə olmasından başlamış, masaların eyni sıra ilə düzülməsinə qədər tövsiyələr eşidirdik. Bir az ləng tərpənəndə özləri də işə əl atırdılar. Axı naşir və yazıçılar bir az əhli-kef olur, rahat davranırlar. Məsələn, “Stendlər saat 09:30-da hazır olmalıdır” deyilibsə, elə də olmalıdır. Bir sözlə, hər detal düşünülmüşdü.
… Müasir karvansaraları xatırladan Saat meydanı.
Buludlar yerlə süzür sanki. Yerə o qədər yaxındır, elə bilirsən, bir azdan sarmaş-dolaş olacaq. Yer göyə, göy yerə sevgi tərənnümü edir.
Elə naşirlərlə kitablar da yerlə göy kimi idi. Stendin gözəlliyi üçün o kitabı bura, bu kitabı ora qoyur, sonra bəyənmir və yenə yerini dəyişir.
Naxçıvanda onu da gördüm ki, sərgiyə sadəcə kitab, yaxud imza almaq istəyənlər gəlirlər. Yəni “Yoldan keçirdim, bikar idim, boş vaxtım vardı” yox, “Kitab almaq istədiyim üçün gəlmişəm” deyirdilər iştirakçılar.
Azərbaycan Respublikası Prezidentinin səlahiyyətli nümayəndəsinin müavini bir neçə məktəblinin kitab seçdiyini görüb: “İcazə verin, sizin kitabların pulunu mən ödəyim”, – deyir. Uşaqların üzü gülür və hamısı seçdikləri kitabdan əlavə bir kitab da götürürlər…
Qonaqlardan bir yazıçı deyir ki, taksidən düşəndə sürücü məni tanıdı, ödənişi götürmədi…
Bir qonaqsa deyir ki, Naxçıvanı və naxçıvanlıları belə təsəvvür etmirdim…
Bir naşir deyir ki, oxucular çox intellektualdırlar, kitabla bağlı xeyli müzakirə aparmışıq…
Bir satıcı deyir ki, digər sərgilərdən fərqli olaraq heç kim hədiyyə kitab istəmir…
Biri də deyir ki, filan restoranda yediyim toy bozbaşı, daş küftə ləzzət elədi…
Biri də qayıdır ki, hər şey yaxşıdır, amma restoranlarda xidmət səviyyəsi çox pisdir. Xoş sözləri eşidəndə zövq alan və qürurlanan mən tez Atatürklə ingilis lordunun söhbətini misal çəkib bunu da yaxşı yerə yozuram: Atatürklə lorda xidmət edən bir xidmətçi çayı dağıdır, ingilis lordu bunu ironiya ilə qarşılayır. Bu zaman Atatürk deyir ki, bu millətə hər şeyi öyrətdim, bircə qulluqçuluqdan başqa.
Hə, yeri gəlmişkən, Naxçıvan havası da öz sözünü deyir, qızmar günəş, şıdırğı yağış, sərin hava tez-tez növbələşir.
Bəli, Naxçıvan tarixində ikinci möhtəşəm kitab sərgisi – Bookfest baş tutdu. Həm təşkilatçılar, həm iştirakçılar razı qaldılar. Özü də, sərgi qızmar günəş altında könüllülərin yallısı ilə bitdi. Geriyə xoş təəssüratlar və gələnilki sərgiyə daha yaxşı hazırlaşmaq arzusu qaldı.
Həm maairfçi, həm təşkilatçı, həm də naxçıvanlı kimi elimdən başıuca ayrıldım. Çünki hansısa problem ANAİB-in və doğma torpağımın adına xələl gətirmədi.
Bu sərgi bizə nə qazandırdı:
1. Azərbaycan nəşriyyatçılığının əvvəlki illərə nisbətən inkişaf etdiyini göstərə bildik.
2. Oxucular yerli müəlliflərlə tanış oldular.
3. Oxucular Azərbaycan kitabçılığının bir-iki nəşriyyatdan ibarət olmadığını anladılar, fədakar gənclərin inkişaf etdirdiyi çoxsaylı yayım evləri ilə tanış oldular;
4. Anladıq ki, sərgidən əvvəl bölgənin xarakter və tələbatını araşdırmalı, mövcud statistika ilə tanış olmalıyıq.
5. Bütün sərgilərə eyni şövqlə hazırlaşmalı, təşkilatlanmalıyıq.
6. Bölgə sərgilərinin keçirilməsini ən az üç ay öncədən elan etməli və təbliğat-təşviqat işləri aparmalıyıq.
7. Məktəb və universitetlərin bu prosesə cəlb edilməsi üçün aidiyyəti qrumlarla ciddi işləməliyik.
Bu gözəl təşkilatçılığa və təşəbbüsə görə Prezidentin Naxçıvan Nümayəndəliyinə, Naxçıvan şəhər İcra Hakimiyyətinə təşəkkürümü bildirirəm. Ümid edirəm, digər bölgələrimiz də Naxçıvandan nümunə götürərlər. Elə biz də kəm-kəsirlərimizi aradan qaldırarıq.

Şəmil SADİQ
ANAİB idarə heyətinin sədri

TESAM Qurucu Başqanı İlyas Bozkurt Hədəf Şirkətlər Qrupunu Ziyarət Etdi
Bu gün Türkiyənin strateji araşdırmalar sahəsində tanınmış qurumu olan TESAM-ın qurucu başqanı İlyas Bozkurt Hədəf Şirkətlər Qrupuna rəsmi ziyarət edib. Ziyarət çərçivəsində İlyas Bozkurt, Hədəf Şirkətlər Qrupunun qurucu direktoru Dos. Şəmil Sadiq ilə görüşüb.
Görüş zamanı iki tərəf arasında əməkdaşlıq imkanları müzakirə olunub. Hədəf Şirkətlər Qrupunun milli və mənəvi dəyərləri əsas tutaraq həyata keçirdiyi layihələr, gənc nəsillərin inkişafı yönündə atdığı addımlar və gələcək hədəfləri haqqında ətraflı məlumat verilib.
İlyas Bozkurt Hədəf Şirkətlər Qrupunun fəaliyyətini yüksək qiymətləndirərək Azərbaycanın təhsil və maarifləndirmə sahəsində gördüyü işləri təqdir etdiyini bildirib.

Türk İnteqrasiya Olimpiadasının final mərhələsi uğurla baş tutdu!

3 may tarixində baş tutan final imtahanında türk dünyasının müxtəlif ölkələrindən seçilmiş iştirakçılar biliklərini sınadılar.

Suallar tarix, coğrafiya, ədəbiyyat və mədəniyyətin inteqrasiyasına əsaslanan formatda hazırlandı.
60 dəqiqəlik imtahan müddətində şagirdlər həm fənlərarası düşünmə qabiliyyətlərini, həm də ortaq türk irsini nə qədər dərindən mənimsədiklərini nümayiş etdirdilər.

Qiymətləndirmə sualların çətinlik dərəcəsinə görə aparıldı və maksimum 100 bal üzərindən hesablandı.

Bu mərhələ yalnız bir yarış deyil, bilgi, mədəniyyət və ortaq dəyərlərin bir bayramı oldu!

Bakıda II Türk İnteqrasiya Olimpiadasının (TİO) final mərhələsi keçirilib. Tədbir Azərbaycan Dövlət Himninin səsləndirilməsi ilə başlayıb. Ardınca vətənin bütövlüyü uğrunda canından keçən şəhidlərin xatirəsi bir dəqiqəlik sükutla yad edilib. Daha sonra səhnəyə Turan və Azərbaycan bayraqları gətirilib.

Tədbiri giriş sözü ilə Türk İnteqrasiya Olimpiadasının ideya müəllifi və layihə rəhbəri, dosent Şəmil Sadiq açıb. O qeyd edib ki, cənab Prezident İlham Əliyevin andiçmə mərasimində: “Biz beynəlxalq təşkilatlarla bağlı bundan sonra da öz addımlarımızı atacağıq, ilk növbədə, Türk Dövlətləri Təşkilatı çərçivəsində səylərimizi davam etdirəcəyik. Bu bizim üçün prioritetdir”, – kimi tarixi fikirləri Türk İnteqrasiya Olimpiadasının mayakı oldu.

Azərbaycan Respublikasının yürütdüyü dövlət siyasəti Türk Dövlətləri Təşkilatına baxışımızı çox aydın şəkildə göstərməkdədir. Məhz bu məqamı vurğulayan dövlət başçısı Türk Dövlətləri Təşkilatını yeganə ailəmiz adlandırdı: “Bu bizim üçün əsas beynəlxalq təşkilatdır, çünki bu bizim ailəmizdir. Bizim başqa ailəmiz yoxdur. Bizim ailəmiz Türk dünyasıdır”.

TİO 10 ildən çoxdur ki, Hədəf Şirkətlər Qrupu tərəfindən keçirilən Fənlərin Dostluğu Olimpiadası (FDO) əsasında yaradılıb. Bir sualın şərtində və cavab variantlarında 2 – 5 fənnin inteqrasiyası öz əksini tapır. TİO-da hər sualda inteqrasiya olunacaq fənlərdən biri mütləq Türk dünyasının coğrafiyası, ədəbiyyatı, tarixi, mədəniyyəti və ortaq elmi barədədir”.

Ş.Sadiq diqqətə çatdırıb ki, dünyada elmin bütün sahələrində inteqrasiya prosesi gedir: “Hazırda fənn kurikulumlarında inteqrativ yanaşma üstünlük təşkil edir. Bu proses elmlər arasında olduğu kimi xalqlar arasında da vacib şərtlərdəndir.

300 milyonluq türk xalqının ortaq dilə, elmə, mədəniyyətə, tarixə, coğrafiyaya, sahib olduqlarını nəzərə almaqla bu ortaqlığı elmlə vəhdətdə təqdim etmək məqsədilə çıxdığımız yolda dörd əsas məqsəd var:

– türk xalqlarının ortaq dil, əlifba və dərslik ideyasına dəstək;

– Türk dünyasında orta məktəb şagirdlərinin ortaq bilgisinin formalaşması və paylaşılması;

– türk xalqları yeniyetmələri arasında TİO vasitəsilə əməkdaşlığın qurulması;

– türk xalqlarının “işdə, dildə, əməldə birliy”i dərk etmələri və ortaq mədəniyyətə sahib olduqlarını əyani göstərmələri”.

Şəmil Sadiq nəzərə çatdırıb ki, olimpiadanın 2025-ci il buraxılışında – Azərbaycan, Türkiyə, Gürcüstan, Qazaxıstan, Qırğızıstan, Özbəkistan, Şimali Kipr Türk Respublikası, Qaqauz elindən 13-16 yaş aralığında olan şagirdlər iştirak ediblər.

İdeya müəllifi onu da bildirib ki, ölkəmizin regionda elm mərkəzi olmaq şansı çoxdur: “Bu kimi addımlarla sözügedən prosesi daha da sürətləndirə bilərik. Niyə Türk dünyasına elm günəşi Azərbaycandan doğmasın və bunda bizim də dəstəyimiz olmasın?!”

Şəmil Sadiq əlavə edib ki, hazırda Bakıda final turu – Türk Dünyası Ortaq Mədəniyyət Festivalı keçirilir: “Olimpiadanın filan turunda 8 ölkədən 100-dən çox şagird iştirak edir”.

Mükafatlandırma tədbirindən əvvəl təşkilat komitəsi üzvləri ulu öndər Heydər Əliyevin məzarını ziyarət ediblər.

Mükafatlandırma mərasimində Azərbaycan Atatürk Mərkəzinin rəhbəri, akademik Nizami Cəfərov, Ailə, Qadın və Uşaq problemləri üzrə Dövlət komitəsinin sədri Bahar Muradova, Millət Vəkilləri Vuqar Rəhimzadə, Ceyhun Məmmədov, Türkiyədən Nəsibə Aydın Okullarının qurucusu Nəsibə Aydın xanım, TESAM başqanı dr.İlyas Bozkurt, elm xadimləri, təhsil müəssisələri rəhbərləri, ictaimiyət nümayəndələri, müəllimlər və şagirdlər iştirak etmişdir.

2-ci Türk İnteqrasiya Olimpiadasının ölkə seçim mərhələsi aprel ayı, online formada təşkil olunmuşdur. Olimpiadanın 1-ci mərhələsində 8 ölkədən, 1741 məktəbdən, 3000 nəfərdən çox şagird iştirak edib. Bu iştirakçılardan 170 nəfər şagird final mərhələsində iştirak üçün haqq qazanıb.

Final mərhələsində biliklərini sınayan şagirdlərdən 20 nəfər qızıl medal, 20 nəfər gümüş, 20 nəfər bürünc medalla təltif ediləcək.

Bundan əlavə ən yüksək nəticə göstərən 3 nəfər şagird Doğu Akdeniz Universitetindən 100 faiz təqaüd əldə edəcək.

Mükafatlandırma

Türk İnteqrasiya Olimpiadasının finalçıları Bakının qonağı oldular!

Final mərhələsindən əvvəl iştirakçılar Bakı şəhərinin tarixi, mədəni və müasir siması ilə tanış olmaq fürsəti qazandılar. Türk dünyasının müxtəlif bölgələrindən gələn şagirdlər yalnız bir yarış üçün deyil, birlik və qardaşlıq üçün Bakıda bir araya gəldilər.

Gənclərimiz Bakının memarlığına heyranlıqla tamaşa etdilər. Həm qədim İçərişəhəri, həm də müasir Alov qüllələri kompleksini görərək şəhərin keçmişlə gələcəyi birləşdirən ruhunu yaşadılar.

Şəhidlər Xiyabanına səfər zamanı iştirakçılar Azərbaycanın müstəqilliyi uğrunda canını fəda etmiş qəhrəmanların əziz xatirəsini ehtiramla yad etdilər. Bu səfər gənclərə azadlıq, birlik və qardaşlıq dəyərlərinin nə qədər qiymətli olduğunu bir daha xatırlatdı.

Daha sonra Türk Şəhidliyi, dənizkənarı bulvar, Qız Qalası, Heydər Əliyev Mərkəzi kimi mühüm ünvanlarda dayanan gənclər Bakı turunun yaddaqalan anlarını şəkillərlə, videolarla və yeni dostluqlarla yaddaşlarına həkk etdilər.

Finalçılar səfərdən sonra bildiriblər ki, Bakı onları təkcə gözəlliyi ilə deyil, həm də xalqımızın qonaqpərvərliyi və isti münasibəti ilə valeh etdi.

İndi isə bizi böyük gün – Türk İnteqrasiya Olimpiadasının final mərhələsi gözləyir! Qardaş xalqların övladları elm və birlik yolunda biliklərini bir daha sınayacaqlar.

Bakı sizi sevir türk dünyası!

Bölmə deyil, model! İki dil, bir elm!

Azərbaycan təhsilində uzun illərdir ki, bölmə anlayışı dominant düşüncə forması kimi mövcuddur: Azərbaycan bölməsi, rus bölməsi, ingilis bölməsi və s. Əslində isə bu yanaşma çağdaş dünya təhsilinə ziddir. Müasir təhsil sistemlərində “bölmə” yox, “təhsil modeli” anlayışı əsas götürülür. Bu fərq sadəcə söz oyunu deyil, fəlsəfə fərqidir.
Dünya təcrübəsində məktəblər əsasən iki istiqamətdə fəaliyyət göstərir:
• Yerli dövlətin kurikulumu ilə çalışan məktəblər
• Beynəlxalq təhsil proqramları ilə tədris aparan məktəblər
Burada əsas ayırıcı xətt tədris dili yox, təhsil modelinin özü və onun tətbiq üsuludur. Bizdə isə hələ də rus bölməsi, ingilis bölməsi anlayışları ilə yaşayan bir sistem var. Reallıqda isə bu bölmələrdə sadəcə Azərbaycan kurikulumu başqa dildə tədris olunur. Yəni, eyni kitab, eyni yanaşma – sadəcə fərqli dil. Bu isə nə beynəlxalq proqramdır, nə də müasir pedaqoji model.
Maraq doğuran budur ki, Rusiya bu qədər geniş coğrafiyada nüfuza və dilə sahib olmasına baxmayaraq, hələ də dünya miqyasında tanınan beynəlxalq təhsil proqramı ortaya qoya bilməyib. Halbuki rus dilində danışan azı 15 ölkə mövcuddur. Bu, Rusiya üçün həm bir imkan idi, həm də bir məsuliyyət idi. Lakin bunu bacarmadılar.
Təəssüf ki, Türkiyə də eyni yolu gedir – hər ölkədə “türk məktəbi” açır, amma vahid və beynəlxalq miqyasda tanınan bir təhsil proqramı təqdim edə bilmir. Əslində isə bu ölkələrin etməli olduğu beynəlxalq standartlara uyğun, çevik və açıq bir model qurmaqdır, yoxsa sırf dilə əsaslanan bölmələr yaratmaq deyil.

Bəs biz nə etməliyik?
Hədəf STEAM Liseyi olaraq bu məsələlər üzərində uzun müddətdir düşünürük. Yeni filialımızda artıq “bölmə” anlayışını deyil, “beynəlxalq yanaşmalı, bilingual (ikidilli) təhsil modelini” tətbiq edəcəyik.
Burada “bilingual” (ikidilli təhsil) sadəcə iki dili öyrətmək demək deyil – dilin tədrisin vasitəsi kimi istifadə olunmasıdır. Yəni, şagird həm məzmun (content), həm də dil bacarığı (language skills) baxımından inkişaf etdirilir. Bu modelə təhsildə CLIL (Content and Language Integrated Learning) yanaşması da deyilir. Yəni “iki dil, bir elm!”
Yeni dövr – Yeni model: Hədəf STARS Campus!
Hədəf STARS Campus yeni təhsil fəlsəfəsinin daşıyıcısı olacaq. Burada:
• “Azərbaycan bölməsi”, “rus bölməsi”, “ingilis bölməsi” olmayacaq,
• Əvəzində vahid, inteqrativ və beynəlxalq yanaşmalı ikidilli təhsil modeli tətbiq ediləcək,
• Tədris həm Azərbaycan, həm də beynəlxalq kontekstdə məzmun əsaslı olacaq,
• Şagirdlər yalnız dil deyil, dünya ilə rəqabətə hazır düşüncə tərzi qazanacaq.
Bizə ilham verən proqramlar:
1. Cambridge International (CIE) – İngiltərə
2. Edexcel (Pearson Edexcel) – İngiltərə
3. Advanced Placement (AP) – ABŞ
4. American Curriculum – ABŞ
5. French Baccalaureate – Fransa
6. German Abitur – Almaniya
7. Ontario Secondary School Diploma (OSSD) – Kanada
8. Austrian / Swiss Matura – Avstriya və İsveçrə
9. IPC / IMYC – beynəlxalq ibtidai və orta məktəb proqramları
10. IB (International Baccalaureate) – İsveçrə
Bu proqramların hər birində ortaq bir məqam var: təhsil modeli bölməyə deyil, düşüncə sisteminə əsaslanır.
Biz də bu konseptini əsas tutaraq “Hədəf Bilingual Təhsil Modeli”ni tətbiq edirik.
Bölməyə yox, modelə inanırıq.
İki dil, bir elm!

NDU-nun Beynəlxalq Məktəbində yazıçı, filologiya üzrə fəlsəfə doktoru Şəmil Sadiqin təlimi keçirildi!

Naxçıvan Dövlət Universitetinin Beynəlxalq Məktəbində yazıçı, filologiya üzrə fəlsəfə doktoru, Hədəf STEAM Liseyinin direktoru Şəmil Sadiqin təlimi baş tutdu. Təlimdə universitetin pedoqoji ixtisasları tədris edən müəllimləri və bu ixtisaslarda təhsil alan sonuncu kurs tələbələri iştirak etdilər.
Universitetin Tədris Departamentinin direktoru Şahin Əliyev Hədəf STEAM Liseyinin direktoru Şəmil Sadiq haqqında məlumat verdi. Bildirdi ki, Naxçıvan Muxtar Respublikası Babək rayonunun Nehrəm kəndində dünyaya gələn Şəmil Sadiqin uğurlu təhsil və iş fəaliyyətindəki təcrübələri tələbələr üçün nümunədir. Şahin Əliyev qeyd edib ki, müxtəlif illərdə fərqli müsabiqələrdə “İlin ən yaxşı müəllimi” seçilən, bir çox elmi-metodik, bədii kitabın, elmi məqalənin müəllifi olan yazıçının auditoriya qarşısında təlimi tələbələr üçün böyük fürsətdir.
Şəmil Sadiq təhsil və iş həyatında uğur qazanmağın yollarından, müasir dövrün tələblərinə uyğun bilik və bacarıqların əhəmiyyətindən bəhs etdi, tələbələri daim öyrənməyə, yeni çağırışlara hazır olmağa və peşəkar inkişaflarını davam etdirməyə təşviq etdi. Eyni zamanda təlimçi “HƏDƏFDƏ STEM və ya peşəyönümlü təhsil”, “Korporativ mədəniyyət” adlı təqdimatlarında təhsil yönümlü müxtəlif başlıqlı məlumatlara diqqət çəkdi. Tələbələrlə müəllimlik peşəsi və şəxsi inkişaf barədə tövsiyələrini bölüşən Şəmil Sadiq karyera planlaması necə aparılmalı, korporativ ünsiyyət, uğurlu və düzgün CV hazırlama qaydaları və bir çox mövzuda məlumatları təqdim etdi.
Görüş interaktiv formada keçdi, tələbələr öz suallarını ünvanlayaraq Şəmil Sadiqin şəxsi və peşəkar təcrübəsindən faydalandılar.

Şəmil Sadiq süni intellektin təsiri və təhsil strategiyasının əhəmiyyəti haqqında danışdı!

Bu günlərdə tanınmış alim və təhsil eksperti Şəmil Sadiq İTV-nin “Sabahın xeyir, Azərbaycan” verilişinin qonağı olub. O, “Əmək bazarında hansı ixtisaslara uyğun iş yoxdur?” mövzusunda çıxış edib, çıxışında süni intellektin (SI) insan əməyini əvəz etməsi və müxtəlif sahələrin avtomatlaşdırılması məsələlərinə toxunub.

Şəmil Sadiq bildirib ki, süni intellektin cəmiyyətə təsiri əsasən ölkənin inkişaf tempi və kadr hazırlığı ilə birbaşa əlaqəlidir. Onun sözlərinə görə, dünya texnologiyanın sürətli inkişafına hazır olduqda bu prosesin insanlıq üçün təhlükə yaratmayacağı, əksinə, yeni imkanlar yaradacağı gözlənilir. Buna görə də cəmiyyət süni intellektin yaratdığı potensialdan maksimum yararlanmaq yollarını araşdırmalıdırlar.

O, xüsusilə, təhsil sahəsində düzgün strategiyanın qurulmasının vacibliyini vurğulayıb. Onun fikrincə, ölkənin gələcək inkişafı üçün təhsil siyasəti sistemli şəkildə formalaşdırılmalı, ixtisas seçimləri əmək bazarının tələblərinə uyğunlaşdırılmalıdır. Müasir dövrdə gənclərin innovativ biliklərə yiyələnməsi, eləcə də süni intellektlə ayaqlaşan bir təhsil modelinin qurulması strateji əhəmiyyət daşıyır.

Sonda Şəmil Sadiq elm və təhsil sahəsində çalışan, gələcəyə dair böyük hədəfləri olan bütün gənclərə uğurlar arzulayıb.

Şəmil Sadiq Dövlət Universitetlərinin Sonuncu Kurs Tələbələri ilə Görüş Keçirib

Hədəf Şirkətlər Qrupunun Baş Direktoru və Hədəf Liseyinin qurucusu Şəmil Sadiq dövlət universitetlərinin sonuncu kurs tələbələri ilə görüş keçirib. Görüşün əsas məqsədi gənclərə gələcək karyera imkanları, iş dünyasının tələbləri və şəxsi inkişaf barədə dəyərli tövsiyələr vermək olub.
Tədbir zamanı Şəmil Sadiq təhsil və iş həyatında uğur qazanmağın yollarından, müasir dövrün tələblərinə uyğun bilik və bacarıqların əhəmiyyətindən bəhs edib. O, tələbələri daim öyrənməyə, yeni çağırışlara hazır olmağa və peşəkar inkişaflarını davam etdirməyə təşviq edib.
Görüş interaktiv formada keçib və tələbələr öz suallarını ünvanlayaraq, Şəmil Sadiqin şəxsi və peşəkar təcrübəsindən faydalana biliblər. O, eyni zamanda Hədəf Şirkətlər Qrupu və Hədəf Liseyinin gənclər üçün yaratdığı imkanlardan danışıb və gələcək əməkdaşlıqların mümkünlüyünü vurğulayıb.
Sonda iştirakçılar görüşün onların gələcək planlarına istiqamət verməkdə mühüm rol oynadığını qeyd ediblər və belə təşəbbüslərin davamlı olmasını arzuladıqlarını bildiriblər.

Qazaxıstanın Turan Universitetinin prorektoru Gulzahan Tayauova, Hədəf Şirkətlər Qrupunun baş direktoru Dos. Şəmil Sadıqov ilə görüş keçirib. Görüş, Hədəf Şirkətlər Qrupunun baş ofisində baş tutub və iki tərəf arasında gələcək əməkdaşlıq imkanları müzakirə edilib.
Görüşdə həmçinin, Turan Universitetinin II Türk İnteqrasiya Olimpiadasının tərəfdaşı olduğu bildirilib. Bu əməkdaşlıq iki qurum arasında qarşılıqlı faydalı əlaqələrin inkişaf etdirilməsinə, eləcə də təhsil və biznes sahələrində yeni layihələrin həyata keçirilməsinə geniş imkan yaradır.
Gülzahan Tayauova və Dos. Şəmil Sadıqov arasında olan müzakirələr, həmçinin beynəlxalq təhsil proqramları, elmi tədqiqatlar və tələbə mübadiləsi sahəsində əməkdaşlığın genişləndirilməsi ilə bağlı müsbət nəticə ilə yekunlaşıb. Tərəflər, gələcəkdə daha da sıx əməkdaşlıq etmək və bu əməkdaşlıq çərçivəsində müxtəlif layihələrə imza atmaq barədə razılaşıblar.

ANAİB Sədri Şəmil Sadiq Bahar Muradova ilə görüşdü

“Azərbaycan Nəşriyyatlar Assosiasiyası” İctimai Birliyi (ANAİB) idarə heyətinin sədri Şəmil Sadiq Ailə Qadın Uşaq Problemləri Üzrə Dövlət Komitəsinin sədri Bahar Muradova ilə görüşüb.

Birlikdən verilən məlumata görə, görüşdə ANAİB idarə heyətinin üzvləri – “Ağıllı bala” nəşriyyatının direktoru Fatimə Alxaz, “XAN Nəşriyyatı”nın direktoru Səbuhi Şahmursoy, “Parlaq İmzalar” nəşriyyatının direktoru Nurman Tariq, ANAİB-in koordinatoru Səma Məstəliyeva da iştirak ediblər.

Tərəflər cəmiyyətin sosial problemlərinin işıqlandırılması və həlli istiqamətində birgə layihələrin həyata keçirilməsi barədə söhbət edib, hazırda gündəmdə olan kitablarda yaş senzinin göstərilməsi mövzusunda müzakirə aparıblar.

Nəticədə, yaş məhdudiyyətinin daha çox uşaq kitablarına aid olmağı ilə bağlı razılığıa gəlinib. Digər bədii kitablara isə yalnız zəruri olduğu təqdirdə yaş məhdudiyyəti qoyulacağı bildirilib.

Görüş zamanı ANAİB-in təşkil edəcəyi IV Uşaq Kitab Festivalı ilə bağlı da fikir mübadiləsi aparılıb. Festivalın Gənclər və İdman Nazirliyi, Ailə Qadın Uşaq Problemləri Dövlət Komitəsi və ANAİB-in təşkilatçılığı ilə keçirilməsinə qərar verilib.

Bundan başqa, görüşdə ANAİB adından Himayəçilər Birliyinin yaradılması haqqında fikir də səsləndirilib.

Görüş müzakirələrlə davam edib.

Şəmil Sadıqov: Təhsildə İnnovasiya və Rəqəmsal Transformasiya

Birgə əməkdaşlıqla bağlı məhsuldar müzakirə aparılıb
CASCFEN sədri Nadir Azəri Hədəf Şirkətlər Qrupunun qurucu direktoru, dosent Şəmil Sadiqlə görüşüb

“Orta Asiya və Güney Qafqaz Söz Azadlığı Şəbəkəsi” İctimai Birliyi (CASCFEN) yeni əməkdaşlıqların qurulması istiqamətində fəaliyyətini davam etdirir. Xüsusilə 2025-ci il yanvarın 25-də keçirilmiş CASCFEN rəhbər heyətinin ilin ilk genişləndirilmiş birgə iclasında səsləndirilən təkliflər və qəbul edilmiş qərarlar istiqamətində səmərəli addımlar atılır”.

innews.media bu barədə CASCFEN-in Mətbuat xidmətindən məlumat verilib.

Məlumatda qeyd edilib ki, artıq bir sıra təşkilatlarla görüşlər başlanılıb: “Bu istiqamətdə təhsil sektorundakı ilk görüş isə Hədəf Şirkətlər Qrupunun qurucu direktoru, dosent Şəmil Sadiqlə olub. CASCFEN sədri Nadir Azəri ilə Şəmil Sadiq arasında Hədəf Şirkətlər Qrupunun ofisində keçirilən görüşdə gələcək əməkdaşlıq perspektivləri müzakirə olunub. Görüşdə CASCFEN haqqında geniş bilgi verən Nadir Azəri rəhbərlik etdiyi təşkilatın təhsil sektoru ilə əməkdaşlığı hər zaman prioritet olaraq ön sırada tutduğunu deyib. O, CASCFEN-nin bu istiqamətdə bir sıra uğurlu layihələr həyata keçirdiyini, həmçinin yeni dönəmdə təhsil sektoru ilə əlaqələrin daha da güclənməsi üçün konkret addımlar atılacağını bildirib”.

Məlumata görə, N.Azəri Hədəf Şikətlər Qrupunun, bu qrupa daxil olan Hədəf Liseyinin öz fəaliyyətində türk dünyasının daha dərindən inteqrasiya, türk tarxinin daha dərindən öyrənilməsi məsələsinə xüsusi önəm verməsinin təqdir edidiyini də bəyan edib.

Öz növbəsində həm Hədəf Şirkətlər Qrupu, həm də rəhbərlik etdiyi digər qurumlar barədə məlumat verən Ş.Sadiq media qurumları, o cümlədən fəaliyyəti media ilə bağlı İctimai Birliklərlə əməkdaşlığa da önəm verdiklərini deyib.

Görüşdə Ş.Sadiq ideya müəllifi və layihə rəhbəri olduğu, türk dövlətləri və milli qurumlarının məktəbliləri arasında keçirilən Türk İnteqrasiya Olimpiadası haqqında da məlumat verib: “Ötən il biz birinci olimpiadanı keçirdik. Bu il isə ikincisini keçirəcəyik. Əminik ki, bu, türk dünyasının daha da dərin inteqrasiyası yolunda atılmış addımlardan biri kimi tarixdə öz yerini tutacaq. Həmçinin bu olimpiadanın davamlı olması əsas məqsədlərimizdəndir. Kim bilir, bəlkə də bu olimpiadanın iştirkaçıları gələcəkdə türk dövlətlərinin idarəçiləri olacaq”.

Mətbuat xidmətinin məlumatında qeyd edilib ki, Hədəf Şirkətlər Qrupunun İctimaiyyətlə əlaqələr və sosial məsələlər üzrə baş direktorunun müavini Elvin Əliyevin də iştirak etdiyi görüşdə tərəflər birgə əməkdaşlıqla bağlı məhsuldar müzakirə aparıb və ilkin razılığa gəliblər. Bu razılıq əsasında yaxın vaxtlarda birgə tədbirlərin keçirilməsinin məqsədəuyğunluğu da vurğulanıb.