Hədəf Şirkətlər Qrupunun qurucu direktoru, dosent Şəmil Sadiq, KKTC Türk Birliyi Dayanışma Dərnəyinin dəvəti ilə II. Uluslararası Kıbrıs Araştırmaları Sempozyumunda iştirak edib. Tədbirdə 20-yə yaxın ölkənin ictimai xadimləri, millət vəkilləri, mətbuat nümayəndələri bir araya gəlib.
Konfrans iştirakçılarını ilk olaraq Kuzey Kıbrıs Türk Cümhuriyyətinin Prezidenti, hörmətli Ersin Tatar qəbul edib. Konfransın ilk günündə məruzələr dinlənilib və müxtəlif mövzularda müzakirələr aparılıb.
Tədbirin ikinci günü qonaqlar Azərbaycan-Kıbrıs Dostluq Cəmiyyətinin Heydər Əliyev Mədəniyyət Mərkəzində təşkil etdiyi toplantıya qatılıblar. Tədbiri giriş sözü ilə Dostluq Cəmiyyətinin sədri Orxan Həsən oğlu açaraq Azərbaycan və Kıbrıs Cümhuriyyəti arasındakı dostluq əlaqələrindən danışıb.