Azərbaycan və Türkiyənin mövcud potensialı iqtisadi sferada əlaqələrin, xüsusən də qarşılıqlı ticarət dövriyyəsinin həcminin indiki ilə müqayisədə xeyli dərəcədə artırılmasına imkan verir. Son günlər bu istiqamətdə bir sıra mühüm addımlar atılıb.
Bununla, Azərbaycan və Türkiyə KOB subyektləri arasında əməkdaşlığın genişləndirilməsi məqsədilə Türkiyə Respublikasının İstanbul şəhərində 13-14 iyul tarixlərində MÜSİAD Genel Mərkəzdə “İş dünyası-100 ilin zirvəsi” layihəsi həyata keçiriləcək. Biznes forum-sərgi Ulu öndər Heydər Əliyevin 100 illik yubileyi və Türkiyə Respublikasının 100 illiyinə həsr olunacaqdır.
Tədbirin əsas məqsədi iki ölkə arasında kiçik və orta sahibkarlığın inkişafına, şirkətlərarası təcrübə mübadiləsinin aparılmasına, müxtəlif sahələr üzrə texnoloji yeniliklərin öyrənilməsinə, şirkətlərin Türkiyə və Azərbaycan vasitəsilə xarici bazara satış etmək imkanlarına, mövcud investisiya imkanlarının araşdırılmasına dəstək göstərməkdir.
Hədəf Şirkətlər Qrupu olaraq biz də həmrəylik, inkişaf, səriştəlilik və ləyaqət kimi dəyərlər işığında burada iştirak edirik.
Hədəfimiz- beynəlxalq arenaya Azərbaycanın Milli təhsil brendi olaraq açılmaqdır!
